ආනාපානසති භාවනාව

නිස්කලංක තැනක් තෝරාගන්න. බිම වාඩි වෙන්න පුළුවන් නම් වඩාත් හොඳයි. කොන්ද කෙලින් තබාගෙන, ඇස් පියාගෙන, ශරීරය සැහැල්ලු කරගන්න.

දැන් ඔබේ අවධානය නාසය අගට (නාස් පුඩු ළඟට) යොමු කරන්න. හුස්ම ඇතුළු වන හැටි සහ පිට වන හැටි පමණක් බලා සිටින්න.

හුස්ම ගන්නා විට 'හුස්ම ගන්නවා' කියා දැනගන්න. පිට කරන විට 'පිට කරනවා' කියා දැනගන්න. හුස්ම පාලනය කරන්න එපා. ස්වභාවිකව යන විදියටම යන්න දෙන්න.

සිත වෙන අරමුණකට ගියොත්, ඒ බව දැනගෙන ආපහු හුස්ම ළඟටම හිත ගේන්න. තරහ ගන්න එපා. නැවත නැවතත් හුස්ම ගැනම සිහිය පවත්වන්න.

මෙසේ විනාඩි 10ක් 15ක් පමණ කරන විට සිතට ලොකු සහනයක් දැනේවි. අවසානයේ ඇස් ඇරලා 'මගේ සිත සුවපත් වේවා'යි සිතන්න.